السلام عليكم
لما كنت بلعب لعبه كونكر
- ولازلت بلعبها :)-
لاحظت ان الشباب العرب
بيمسكوا ناس ويقعدوا يشتموها
بالذات ساعه الفجر
وتستمر المهزله دى
لحد ما يطلع الصبح
وطبعا اشك ان حد فيهم يكون
صلى الفجر
المهم
ففى يوم وقعت مع واحد من اللى بيتشموا
وده كان نص الحوار معاه
- طبعا مش هستخدم اسمه فى اللعبه ولا اسمى علشان معملوش شهره المعفن ده
وكمان انا مش عايز وجع دماخ من حد بحب العب فى هدوء -
هو : هاى ممكن نتعرف
انا : اكيد
مين معايا
هو : انت عندك كام سنه
انا : طيب مش اعرف مين معايا
مش مهم خلاص على راحتك
انا عندى 20 سنه
وانت
هو : انا عندى 16
انا : منين
هو : اسرائيل الشقيقه
وانت
انا : ههههههههههههههه
انا من مصر العدوه
هو: اهلا يا عدوه
انا : اهلا يا شقيقه بالكدب
هو :انا بحبك يا عدوه
انا : هو الحب بالعافيه
هو : كده هزعل منك واعلن عليكى الحرب
انا: ما تعلن حد ماسكك
قولى مين ماسكك وانا اريحك
هو : طيب مفيش ميكروفون
انا : نجيبلك واحد
ما انتم ابخل خلق الله
هو : تعيش دوله اسرائيل
تعيش حره مستقله
انا : باماره ايه
ادى اماره
هو : تعيش حره مستقله
انا :قصدك تعيش على الدم والكراهيه
تعيش على الظلم والطغيان
هو : هتعيش وهتوصل من دلتا لحد الفرات
انا :ياااااااااااااااه
من الدلتا مش من 40 سنه كده كانت من النيل
دلوقتى انحصرت لحد الدلتا
طيب محتاجين كام سنه علشان تعرفوا الحقيقه
ان دوله الظلم اخرها الخراب
هو : كفايه اننا احسن منكم
انا : للمره التانيه باماره ايه
هو: نحن من افسد شبابكم
انا : نحن من اعزنا الله بالاسلام - يعنى مفيش خوف على شبابنا ده كان قصدى -و
هو : نحن من نبث الكره والضغائن فى الارض
انا : ونحن من نملك اطهر البقاع بعيدا عن كرهكم
هو : انتوا بتتعلموا مننا
انا: نتعلم منكم ايه
نتعلم منك القتل
نتعلم منكم هتك العرض واغتصاب الارض
نتعلم منك التمييز العنصرى
واحتقار الاخر
نتعلم منك اباده الجنس البشرى
وعدم حفظ اقل حقوق
هو : لقد اعزنا الله بالقتل
انا : لقد حرم الله القتل على الجميع
فلماذا يحله لكم
وكيف يسمح الله بالتفرقه بين عباده
وهو من خلقهم
فلو لديك ابنان اتحب احدهما وتكره الاخر
فكيف لله خالق الكون ان يفرق بين عباده
وهو ارحم الراحمين
هو : هل شبابكم يحفظ القراءن
انا : الحمد لله الكثير يحفظه
على الاقل الكثير يعرف سوره منه
هو : كم من شبابكم يقرا القراءن يوميا
انا : الحمد لله ناس كتير بتقرا القراءن يوميا
وتعالا هنا محسسنى انك بتقرا التوراه وحافظها
ده انت محتاج مرجع علشان تعرف تقرائها بعد التحريف
هو : طيب كم واحد بيصلى فى المسجد
انا : قلتله الحمد لله كتير بيصلوا
اوعى تقولى ان اليهود ماليين المعابد عندكم
علشان دى هتبقى كدبه كبيره صعب ابلعها
*****وفى اللحظه دى اذن اذان الفجر ******
واقسم بالله العظيم
نزل الاذان عليه
كصفعه هواء بارد على وجه
اشددت حمرته من كثر النوم
انا: طيب ممكن بعد اذنك نقفل الحوار
هو : ليه
انا : علشان اذان الفجر
وعايز اروح اصلى
هو : انت لما بتصلى فى الجامع بتلاقى ناس كتير
**هنا لقيت بقول لنفسى ده عايز يدخلنى فى حوار ويلهينى عن الصلاه **
انا لازم اقوم
انا : معلش وقتك خلص معايا
الحمد لله ناس كتير بتصلى الفجر
وقريب هتلاقى المسلمين كلهم بيصلوا
وساعتها هينتهى عهدكم
زى ما هينتهى حوارى معاك
** طبعا انا نزلت وقولت اسيب اللعبه شغاله **
بس الواد جارى فصل النت زى ما احنا متفقين
بنصلى الفجر ونريح الروتر ساعه الفجر شويه
المهم رجعت وشغلت اللعبه بعد الصلاه
لقيت كالتالى
هو : الو
انت رحت فين
خليك معايا شويه
لسه فاضل ساعتين على الاقامه
الو
** بكده انتهى الحوار معاه فى اللعبه**
وبكده انتهى اول موقف غير حياتى بشكل فعلى
وللطريق الصحيح
اتعلمت
مديش ودانى لحد ومصدقش كل اللى اقراه على النت
اتعلمت
استخدمى فطرتى السليمه واستزيد علم
علشان لنا اتحط فى موقف زى ده اعرف ارد
اتعلمت
مخليش اى حاجه تلهينى عن صلاتى
لان صلاتى تهز كيان اعدائى
وتقربى من الخالق
اتعلمت
مندرجش فى حوار مع حد يوصلنا لمرحله جدل
ممكن تفقد الواحد صوابه
ويشيل ذنب الرد السئ
فعلا هما قدروا يضحوا علينا
دخلولوا السيرفرات بتاعتنا
واللى مراقبيها دايما بيركزوا - وبالذات لو لعبه عربيه بالكامل-
على جمله لا تجعل اللعبه تلهيك عن صلاتك
علشان هما اللى يلهونا
وكمان بيدخلونا فى حوارات تدفعنا الى حمل الاثم
كمان تزعزع قلوبنا عن الايمان
وفى الختام
اللهم ثبت قلبى على هذا الدين
القصه دى حقيقه بنسبه 100%
وللاسف الشديد حصلت معايا انا
يا ريت نتعلم منها اساليبهم
فى تشتنا عن دينا
ونفوق من النوم اللى احنا فيه
ليست هناك تعليقات:
إرسال تعليق