الشاب انينى

السلام عليكم

طبعا كلكم عارفين الشاب خالد
واللى طلع من عينته شباب كثير
زى الشاب مامى والشاب دادى والشاب توتو
وكأننا احنا شيوخ ولا عيال ولاد ......
ما علينا
النهارده بقى هعرفكم على الشاب الجديد
الشاب انينى
ده طبعا اى واحد ناصح بيقرا الموضوع
هيعمل نفسه اللى ما جبتهوش ولاده
ويقولك
يا عم انت لسه عارف الشاب انينى
ده مغنى جامد جدا
وكمان عنده البومين
احب اقول للجماعه الناصحين دول
حط اللى فى الللى يطلع اللى مش اللى
يعنى من الاخر حطه واسكت
اكيد طبعا انتم فاهمين قصدى
لسانه جوه بوقه ;)

نرجع موضوعنا
الشاب انينى ده واحد صاحبى
مهوووووووووووووووس
باى شئ اسمه بنات
او يدعى انه بنات
وطبعا اطلق عليهم بنات لانه
مكتوب كده فى شهاده الميلاد
لكن العلم عند الله
المهم دول مش موضوعنا
صاحبنا ده
مضيع نفسه وصحته وركبه
على البنات بشكل مجنون
لدرجه انه اتنازل عن كل حاجه
علشان يشبع رغباته فى الوقوف مع البنات
وانا لما اقول اتنازل يعنى اتنازل
وعلى راى القائل
هما مش لابسين بنطلونات ليه يا وديع

انتوا عارفين من قمه التضحيه
علشان يحقق احلامه ويقف مع بنات
وصلت انه انه
ساعدنى يا رب
انا مش عارف اقولها ازاى
الاخ المبجل وصلت به الحاله
انه انه
يقف مع بنات
قصدى ذكور لابسين لبس بنات
وانا قصدى الكلمه بكل حروفها ومعانيها
الاخ قفشته من يومين واقف مع واحده
انا وهى لو دخلنا مسابقه جمال العالم
انا هكسب ومش هيرضوا يدوها الوصيفه
وحتى ولو مفيش خيرها
ده انا جنبها مصدر اغراء
مع انه شكلى يقطع الخميره من البيت
لكن لاول مره حد غير رشدى
يثبتلى انى عندى فرصه
ادخل مسابقه ملك جمال العالم
:)

اللى انا عايز اوصله لصاحبنا
واللى خلانى ارجع للكتابه بعد مقاطعه دامت
مده طويله للكتابه فى مدونتى
انه يا صاحبى
لعب العيال اخرته وحشه
وصدقنى مش هتستفيد حاجه
من ده كله
غير الحسره والندامه وحرقه الدم
ولا واحده تستاهل منك لحظه تفكير
ولا كلمه حب
ولا لحظه احساس صادق
غير اللى كتبها ليك ربنا
وتكون من نصيبك
وفر مشاعرك لشريكة حياتك
لان هى دى اللى هتعيش معاها اطول فتره فى حياتك
وهى دى اللى محتاجه تسمع منك

كلمه حب