ردا على بوتا

السلام عليكم
اهلا يا اخويا منك له ليه لها
طبعا احنا عرفنا ان الاخ مصطفى
لم يكتفى فقط بكتابه التوبيكس
اللى وجعلنا دماخنا
وانا عارف ان كلامى مش عاجبكم
بس بقولكم اتفلقوا
انا عامل المدونه دى لنفسى
ايه رايكم بقى
نرجع لموضوعنا ومحدش يعصبنى
طبعا جابلنا كام صاحبه بوتا
علشان يوجع دماخه
وشويه تانيه تلاقيه جاب صاحبه الصواف
وشويه تلاقيه جاب خليفه وحماده وجابر ويحيى
ويمكن يجيب اخواته يكتبوا وولاد عمه وولاد خلته
واحنا المفروض علينا اننا نتحملهم كلهم
يالا ما علينا
اهو حتى فى المدونات بقى فى كوسه
ما علينا
انا هنا ومن موقعى هذا
ولانى طبعا عايزكم تفهموا
مع انه مفيش فايده
مين هو بوتا على حقيقته
تعالوا نقرا بوتا كاتب ايه
وردنا عليه ايه
*************

حصريا
اول القصيده كفر
ايه هو اللى حصريا
محسسنى انى عادل هيكل
هيكتب عندك
ده بوتا يا عم الحج

أحمد نور يكتب عندنا في المدونه
والله امال انت فاكره هيكتب فين
ومحدش يفهم غلط

انا عايزكم تركزوا لحظه مع الصوره
وخلو بالكم من الكلام اللى مكتوب بعد كده

إستنوه كل يوم ثلاثاء
على اذاعه كسح فسح

هنا بس

ماهو مش محسور-ابحث عن معنى هذه الكلمه واوعوا تقولوها لاحد-
قصدى حصرى

____________________

الشاب ... التت ... الفت ... النت

انا مش هتكلم
انا راضى بذمتك
ده عنوان يتقراى
بذمتكم عرفتم تقراوه
طيب حاولوا تقلوها عشرين مره كده وراء بعض
مش هتعرفوا
هو نفسه بوتا بيغلط
لما يجى يقول العنوان
زماااااااااااااااااااااااان
وياسلام على ايام زمان
فكرتوا الواحد يا اولاد
باللذى مضى
كنا لما نقول الشاب الخنفس
كانوا يقولونا بوظتوا اللغه
امال الناس دى لو موجوده
شافت الاخ بوتا بيقول
الشاب المتفتف المنتف المتيط
يقولوا ايه
دول اكيد هيفتكروه من كوكب تانى
يالا ما علينا

بيكيبورد / أحمد نور الدين

شوفوا بقى قمه الاستفزاز
بيكيبورد امال هيكتب بصباع رجله
اكيد هيكتب بكيبورد مش ده برضوا
جهاز كمبيوتر
وان دل هذا على شى دل على حاجات كتير
مش فاكر منها حاجه

_________________________________________

من زمان
محسسنى انه مولود من ايام قوم واتسير
و إحنا صغيرين
قال يعنى كبرت يا بوتا
يا سبحان الله
دى لسه الفطيره منشفتش
و إحنا بنموت في العيد
بنموت
يعنى ربنا يوم ما فتح عليك
وعرفت تكتب كلميتين
تكتب بنموت
يااخى ما تخلنيش اقول كلمه
يا جماعه حد يقولى هو فى رقابه على الموقع ده
... أي عيد ... عيد صغير عيد كبير عيد شم

عيد هرش
يا جربان
سجلوا النقطه دى مهمه جدا.......................1
عيد تحرير عيد ميلاد ... المهم أي عيد و السلام كنا نحبه علشان الأجازة

بس بصراحة يا جدعان عيد الفطر و عيد الأضحى كان ليهم في بلدنا مذاق خاص

يمكن إللي في القاهرة و ووجه بحري مش هايحسه

قال يعنى بتوع بحرى والقاهره
ولا تسعه
واحنا فى الصعيد ولاد كلب
وايه هو اللى يحسوه ومش يحسوه
عيب عليك فى ناس غريبه معانا هنا
وممكن تفهم غلط

و ذلك بسبب الإحتفال الخاص جداً بجائزة أوسكار أحسن شاب تت فت نت
والله انا بدات اضع ترشيحات
لناس للاوسكار ده
ومتخفش مش هنساك

--------

الأول مين هوه الشاب التت الفت النت ؟

اقول
:)

بص يا معلم ... تعريف قاموس " تكسير القلل في تسليك فواني الحلل " – تحت الطباعة

تصدق متنفعش غير ميكانيكى
عيل خنزاور

إن هذا الشاب هو أحد أنواع الشباب السيمي سيس أو المسمي بالسيس القروي الساذج

يا بوتا المثل بيقول
يا ابويا شرفنى قاله لما يموت اللى يعرفنى
واحنا لسه عايشين يا بوتا

يظهر في مواسم الأعياد و ينتشر في المدن الكبري – مش كبيرة أوي يعني

و يأتي غالباً من القرى و الكفور النائية – زي " كفر حلاوتهم " مثلاً
عارفهم مش دول اللى بينطقوا الجيم دال
صح قولى يا بوتا
ايه حصل معاك فى حكايه
المانده-قصه مولمه لبوتا مع المانجه-

– و ينفق ببذخ لا يتناسب مع طبيعته

والله انت ادرى
كل عيد بتشحن وتشترى لبان ونظرات
منين يا بوتا

-----

أنا أتفق تماماً مع رأي هذا القاموس في هذا التعريف ... و إليكم بعضاً من مظاهره

تنزل سعادتك في بلدنا بعد صلاة العيد مباشرة – علشان تلحق تشوف وش القفص – و تتجول في الشوارع

و هتلاقى أول بوادر الشاب التت ... و تعرفه من أول نظرة

يرتدي جلباب بلدي – غالباً بني فاتح – و إيه يا باشا تلاقي الجلابية مكويه كاوية أصلي

و ناقصها إتنين فولت و تنور ... تنزل تحت شوية تلاقي في إيد العمده اللي ماشي ده ساعة رقمية من ذوات الحجم الكومبو

و لازم يكون فيه زرار للنور – مش عارف ليه

للراغبيين فى رويه صوره
لهذا النوع النادر
ابو زيد شكله ممكن يقوم بالواجب
للعلم:- تم حذف الجلبيه علشان
العيد الجاى
اما الساعه فصوره هتشيل وشه ولا شعره ولا طوله
اللى ملوش اخر ولا الساعه
ربنا يكون فعون الصوره

تنزل تحت شويه تلاقي صاحبنا ده رافع الجلابية بإيد و الإيد التانية ماسك بيها ووكمان

و غالباً بيكون بيسمع مصطفى كامل يا إما سلطان الطرب و ده طبعاً من غير هيدفون

و متسألش ليه لأن مكانش فيه إم بي ثري ساعتها

وانت الصادق
انت مكنتش تعرفوا
لولا اننا قولنا عليه قدامك

-----

تعال معايا ننزل شوية لتحت

لا لحد هنا وعيب يا بوتا
تنزل تروح فين

علشان تلاقي بنطلون جينز باين من تحت الجلابية

و لونه أزرق بيلعلع في الضلمة و عليه كوتشي أبيض ماركة السهم

و لو ركزنا فوق هنلاقي المعلم لابس نظارة شمس بوليس – تقليد طبعاً

و كمان هتلاقيه ضارب في شعره 2 كيلو فازلين لزوم التثبيت

ونسيت ال3صابونات ام ريحه
واحده لوشه وواحده لرجله
وواحده ولا بلاش
وانت فاهمنى
ومش هسيح

---------

واحد زي أخينا ده ممكن نرشحه ... لكن طبعاً مش هايخدها

يا واد يا جامد
مش عايز تكتفى بكده وبس
لا وهتقول على نقط التمييز اللى عندك
قول يا حبيبى قول

لأن النجوم الحقيقين بيظهروا في فترة قبل الضهرية بشوية

---

تلاقي نفسك ماشي في الشارع و جنبك كرنفال من الألوان الغربية و العجيبة

و ساعتها تعرف إن النجوم بتوع عز الضهر هيظهروا

أيوة أنا شايفة من بعيد جاي أهوه
ههههههههههههههه
شايف مين ياد
دى المرايه اللى قدامك

ماشي ووجنبه خمسه سته ...
اقول انا مين هما
تعرف علطول إن ده هوه الزعيم

يا بوتا يا جامد

اللبس في السريع هتلاقيه جزمة جلد بقر صفرا و بنطلون جينز زيتي

و تيشيرت أسود عليه صورة فيلم تايتنيك و غالياً بيشرب سجاير بلومنت

يا كداب
امال بتقولى ليه ياد
مشربش غير كيلوبترا

و ماسك العلبة في إيده ولابس نظارة شمس و جايب شعره زي عمرو دياب في "حبيبي يا نور العين

قرب شوية من المجموعة اللي ماشية دي هتلاقي الزعيم غالباً بيتريق عليك

و على لبسك و الشلة اللي حواليه بتسمعه بإنبهار بإعتبار إنه أكتر واحد نزل البندر و عارف الشياكة تكون إزاي

علشان كده
محدش عاجبك لبسه
وشغال تتريق محسسنا
اننا كائنات فضائيه

ركز بقى في كلامه هتلاقيه بيحكي عن حاجة من إتنين

يا إما مصارعه شافها على قهوة كتكوت

أو فيلم فيديو لبروسلي شافه في الفيديو اللي جابه جوز خالة بنت عم أم جارهم في البلد من السعودية

و يستفيض الباشا في شرح تفاصيل الفيلم و الضرب حصل إزاي

ايه ده يعنى انت كنت بتشتغل العيال
لما قعدت تحكليهم
عن فيلم"إنتقام دكر بط محارب"

و اللي حواليه فاتحين بقهم من الإنبهار

و هنا يسأل واحد منهم حاسس إن دي إشتغالة ... و يقول :- طب الفيلم دياتي إسمه إيه ؟

يهرش الزعيم في رأسه قليلاً ليتذكره ... ثم يقول فجأة أسمه " إنتقام دكر بط محارب "

و ده علشان القتال في الفيلم كان في مزرعة بط

يا عيال اقتلووووووووووووووووووه

و كمان الفيلم من حلاوته يا واد عملوله نسخة إيطالي من بطولة (توتي) و سموه

“ Le Intikamoti De Karoti De Batto Moharbiano “

و عمل إيرادات هايلة في الإكس إس بوكس أوفيس وورد و إكسل و حقق أعلى نسبة مشاهدة في البدرشين

ايه ده
انا الواد مصطفى كان بيقولى نفس الكلام ده من يومين
واقعد افهم فيه ان الكلام ده محصلش وغلط
وهو انت اللى مفهمهم كده

--

وهنا قد تسقط على وجهك من هول المفاجأة

يا راجل واسقط ليه
على كلامك ده
انا المفروض ميت من يوم ما عرفتك

و تقرر أن تعطي الأوسكار لهذا الزعيم الفذ

و ذلك لبراعته في الإكتشاف الجديد و هو أن " البدرشين تقع في حزمة برامج الأوفيس "

و أنا أهلها معتمدون من مايكروسوفت

للتعرف على الشخصيه بالصوره
ارجع للصوره الموجوده بالاعلى

طبعا مفيش كلام يتقال غير
حمار مين اللى هيقرا لبوتا تانى




ياد يا بوتا انضم ليا
وانا انزل فيك قصيده مدح
قولت ايه