اول رد مخصوص على مقاس ابو زيد

اولا وقبل اى حاجه
وعضبا عنكم
ومش بمزاجكم
اقولكم انى مصطفى ابو زيد ده

روحى روحى روحى
ان شالله طلع روحى ان كنت بكدب
حححححححححححححححاااااااااااااااااااااااااااااا
معلش اصلها كانت هتطلع
المهم
طبعا انا عارف ان مصطفى ده فى عالم تانى
ودماخه عجابه الناس
ولانى منفسن وبغير
فقررت الرد عليه
وعلى المدونه بتاعته
وطبعا اول ما معاليك تدخل
تلاقى كاتبك عنوان مدونته
تحت الياسمينه
وكانه محسسك ان الياسمينه دى نخله
ولا مسله فروعونيه
ولا خازوق من اللى بتتطلع عليهم الابراج
او اللى بنطلع عليهم احنا فى القسم
وتقريبا مفيش فرق
ولمعلوماتكم هذا الاسم نابع
من حقد وغل داخل ابو زيد
وخصوصا من ناحيتى
لانه دايما بينحى امامى
وذلك بسبب طوله الفارع
فهو نفسه ان يبقى قصير
علشان ما يوطيش للناس
ولما ملقيش فايده
بد عقله الباطن بتفكير
فى تطويل الاشياء
ومحدش يفهمنى غلط
لدرجه انه وصل انه
خلى الياسمينه نخله
والنخله مكوك
والمكوك عامود
وانت عارفين العامود
رايح فين ومش محتاجه توضيح
ومحدش يفهمنى غلط
ما علينا
واللى وزد الطينه بله ووساخه
قال ايه قعد تحتيها
ايه هى اللى اقعد تحتيها يا ابو زيد
يا ابنى انت نسيت
يوم ما اعد تحت شجره السنه اللى فاتت
ورحت خابط العشش اللى على الشجره
بودانك نسيت ياد
وساعتها قامت عليك
العصافير باستعانه بالحمام
وردوا عليك بهجوم شرس
دول افتكروك جى تحتل عششهم
يا ابو زيد يا روحى روحى روحى
ده نقد بناء منى ليك
علشان يمكن تتعلم حاجه
مع انه مفيش فايده فيك وانا عارف
وعلى راى المثل
علم فى المتبلم يصبح ناسى
بحبك يا ابو زيد